María Pilar Couto-Cantero

Son Profesora Titular de Universidade na Facultade de Ciencias da Educación da UDC; Doutora en Filoloxía Hispánica pola UDC desde 2001 e Investigadora Principal do Grupo de Investigación en Linguas e Culturas DILEC. Posúo dúas Licenciaturas en Filoloxía Inglesa (USC) e Filoloxía Española (UDC), ademais dun Máster pola Escola Internacional de Teoría das Humanidades (USC) e outro Máster en Estudos Teatrais e Audiovisuais (UDC). 

Fun Secretaria Académica da Facultade de Educación durante seis anos, Directora do Departamento de Didácticas Específicas durante tres anos e actualmente coordino a Sección Departamental da área de Didáctica da Lingua e a Literatura no Departamento de didácticas Específicas e MIDE. Así mesmo, imparto materias de Grao, Máster e Doutoramento e dirixín unha gran cantidade de TFGs, TFMs e teses doutorais, participando tamén en numerosos tribunais de teses Doutorais, Másteres e Programas Europeos e Internacionais en: Instituto Tecnolóxico de Dublín (Irlanda), Tecnolóxico de Antioquia (Medellín. Colombia), Stanford University (California. EEUU) e #Ecuador. Participei en numerosos Proxectos de investigación: autonómicos, nacionais e europeos. Na actualidade son a Coordinadora do proxecto europeo ERASMUS + (en concorrencia competitiva) A Welcome Kit to Europe – AWKE. Nº: 2023-1-ES01-KA220-SCH-000153532. (250.000 euros).

As miñas liñas de investigación céntranse na Didáctica das Linguas e a Lingüística Aplicada, concretamente na Tradución Audiovisual Didáctica (TAD), a Educación Plurilingüe, CLIL, TEFL etc. Tamén creei unha liña de investigación propia sobre o modelo teórico-práctico da Transpodidáctica Textual, termo acuñado por min en 2014, para favorecer a aprendizaxe de linguas a través de textos de ficción. Son autora dun número considerable de artigos publicados en revistas de impacto, capítulos de libro e relatorios convidadas. Formo parte de Comités Científicos de prestixiosas revistas de impacto e son Directora da Revista Internacional Digilec (http://digilec.es).