Marta Fernández Prieto

Estudei Pedagoxía nas universidades de Santiago e Salamanca. Son doutora en Ciencias da Educación pola Universidade de Salamanca en 1995 e Técnica de Formación En liña pola Universitat Oberta de Catalunya en 2002.

En 1989 realicei un curso de doutoramento sobre Política Educativa e Xestión Educativa no Instituto de Educación de Ámsterdam a través do programa Erasmus. Posteriormente, obtiven unha Bolsa Nacional de Formación de Persoal Investigador (FPI) adscrita á Universidade de Salamanca que me permitiu desenvolver o meu labor investigador e docente sobre cambios e innovacións educativas.

Fuí Profesora Asociada na Universidade de Oviedo (Asturias) na Facultade de Educación e Traballo Social e actualmente son Profesora Titular de Tecnoloxías da Información e Comunicación (TIC) na Universidade da Coruña na Facultade de Ciencias da Educación.

Participei na organización de eventos científicos dedicados á investigación das TIC en educación desde diversas redes e plataformas sobre propostas de ensino e aprendizaxe con tecnoloxía educativa, así como en proxectos de investigación nacionais e internacionais relacionados coa transformación social cara á dixitalización, a sustentabilidade, a igualdade e a cooperación.