Vicerreitora de Planificación Económica
Licenciada en Ciencias Económicas e Empresariais (USC, 1986)
Doutora en Ciencias Económicas (UDC, 1992)
Profesora Titular da Universidade da Coruña
Son Licenciada en Ciencias Económicas pola Universidade de Santiago de Compostela (1986) e Doutora en Ciencias Económicas pola Universidade da Coruña (1992).
En 1986 incorporeime á Empresa Nacional Bazán de Construcións Navais Militares S.A. na que ocupei o posto de xefa de contabilidade analítica entre os anos 1987 e 1989.
En 1989 comecei a dar clases de Econometría na Facultade de Economía da USC e en 1990 fun secretaria do Departamento de Econometría e Métodos Cuantitativos. En 1991 pasei a formar parte da recentemente creada Facultade de Economía da UDC.
Desde 1994 son Profesora Titular na Universidade da Coruña. Dirixín o curso de posgrao ‘Economía e calidade no sector turístico’ e coordinei o de doutorado ‘Turismo, lecer e deporte’. Fun Vicedecana da Facultade de Economía e adxunta ao Vicerreitorado de Ordenación e Planificación Académica. Dirixín o servizo de Información e Estatística —SEINFE— e a Unidade Técnica de Avaliación da UDC.
Fun responsable de varios convenios de colaboración tanto con institucións públicas como con empresas privadas e participei como investigadora en diferentes proxectos, sendo a investigadora principal nalgúns. Son coautora dun sitio web educativo, de diversos manuais e dalgunha monografía.
Imparto docencia nos graos de Economía, ADE e Ciencias Empresariais e nos programas de simultaneidade de ADE e Dereito e de Ciencias Empresariais e Turismo. Actualmente formo parte do grupo de investigación EIRA —Equipo de Investigación Educativa—.
2023 © Fermín Navarrina
Diseño y desarrollo: TNR
